Madaxweynaha dowladda galmudug iyo wafti uu hogaaminayo oo gaaray deegaanka cada kibir

Madaxweynaha Dowladda Galmudug, mudane Axmed Cabdi Kaariye iyo wafdi uu hogaaminayo ayaa gaaray deegaanka Cada Kibir ee gobolka Galgaduud, deegaankaas oo ay kooxda Argagixisada ah ka jareen isgaarsiinta iyo biyaha, kadib markii ay miinooyin ku xereen xarumaha isgaarsiinta iyo ceel biyood ay ka waraabayeen dadka iyo duunyada ku nool deegaanka Cada Kibir.

Madaxweynaha ayaa warbixinno ka dhageestay gudoomiyaha deegaanka iyo odayaasha dhaqanka, waxuuna halkaas kula kulmay dadka deegaanka ah, kuwaas oo iskood isku hubeeyay si ay iskaga dhiciyaan kooxda Argagixisada oo caadeesatay boobka hantida dadka iyo daadinta dhiiga shacabka, iyadoona iminka ay ku sii dareen in ay ceel biyoodyada miinooyin ku qarxiyaan xilli abaar baahsan ay ka jirto guud ahaan Soomaaliya.

Madaxweyaha ayaa sidoo kale sheegay in dadka Soomaaliyeed iyo argagixisadu aysan Soomaaliya kuwada noolaan karin, loona diyaar garoobo sidii la isaga kicin lahaa, looguna tagi lahaa deegaanada kooban ee ay ka joogaan Galmudug iyo guud ahaan Soomaaliya.

Madaxweynaha ayaa ugu danbayn ku ammaanay shacabka iyo culimada deegaanka Cada Kibir sida ay ugu diyaar garoobeen inay argagixisadu uga difaacdaan deegaankooda iyo deegaanada hoostaga, waxuuna xusay madaxweynuhu in dowladda Galmudug ay had iyo goor garab taagantahay shacabka u hiillan inay iska dulqaadaan kooxaha argagixisada, iyadoona ay xusid mudantahay in maalin kadib markii argagixisadu ay adeegyada aasaasiga ah ka jareen deegaanka in madaxweynuhu uu u diray ciidamo deegaanka amnigiisa suga, kuwaas oo halkaasi ku sugnaa maalmihii lasoo dhaafay.

Leave a Comment

Your email address will not be published. Required fields are marked *

Scroll to Top